王馨平日前與一班好友慶祝生日，更將聚會照片放上Facebook。她坦言與一班好友經常飯敍，大家輪流請客，這次輪到賈思樂：「突然有個朋友提起我係8月份生日，佢哋即刻出去買個蛋糕返嚟，真係開心又好笑！」8月5日生日的她，與老公去日本旅行慶祝，至於是否已收老公大禮？她表示兩夫妻在一起最緊要開心和健康，禮物是其次。談及生日願望，她說：「都係大家開開心心同身體健康。」

至於工作大計，王馨平稱忙於準備月底舉行的《寶麗金Forever Live演唱會》，更透露已簽內地經理人公司，會涉及影視工作：「冇話係全面復出幕前，我都係靜極思動，覺得人生要有啲嘢做吓；拍唔拍戲要視乎劇本而定，劇本好，我唔介意唔收錢。」她不擔心因工作冷落老公，因兩人形影不離：「佢有佢工作，到我有工作時，佢都會好放心。」