港姐袁嘉敏和李思捷前女友王宝宝（春卷）昨日出席活動，騷胸又晒腿的春卷，在視覺效果上略勝力谷兩吋事業線兼露肩的袁嘉敏。

低胸晒腿的春卷搔首弄姿，即時搶晒鏡啦！

力谷兩吋事業線的袁嘉敏，大讚發哥有股巨星氣場。

袁嘉敏自爆正與周潤發拍攝電影，並指不斷被對方電親：「之後仲會去澳門，電夠兩個月！」其後更愈講愈誇張：「畀佢撞一撞都半身麻痹！好彩有日8號風球冇開工，畀我冷靜吓！之前未見過佢真人，佢有股巨星氣場逼過嚟！」而春卷則指與思捷再見亦是朋友，但對於會否復合則非常保留：「未來嘅嘢唔知。（唔再搵似思捷咁花心？）佢勁花心咩？我哋唔係因為呢個原因，每對Couple都有佢嘅時間。」而袁嘉敏亦搭嘴：「思捷幾好！佢對人好多鼓勵嘅說話。」