泰國高人白龍王於本月17日病逝，終年76歲，其家人及弟子盧師兄昨日舉行記者會，指白龍王未有接班人，白龍王廟則照常開放。盧師兄透露有圈中人致電慰問，又稱未決定會否興建紀念館，扶靈名單則由師母安排，問黃龍王（白龍王細女Pet）是否接班人？他說：「等喪禮後再講。呢啲係屬於神嘅事，要等到時先講得。（有人爭做掌門？）等出殯後講，希望各界據事實講話。」他指遺產分配乃私人事，故不便透露，而喪禮於下月1日以佛教儀式進行，但不會再有瞻仰遺容儀式，並勸各界勿捐帛金。提到父親時，Pet一度灑淚：「白龍王係堅強、有毅力嘅人，對大家都好好，雖然很難過佢離開咗，但好高興咁多人送爸爸。」

劉偉強返港時神情憂傷，並表示心情沉重。

盧師兄（右起）、白龍王太太及女兒Pet舉辦記者會。

另外，導演劉偉強及曾志偉昨日分別獨自返港，前者眼濕濕直言心情沉重，又稱有時間便會出席喪禮。由於喪禮與港姐決賽撞期，故志偉希望能向公司請假赴泰。而陳百祥出席活動時，指有白龍王太太及女兒，故毋須有繼承人。