陳靜（DaDa）月初宣布退出幕前，逃拍電影《喜愛夜蒲3》，造就港姐許亦妮（Whitney）取代其女主角位置，並與陳柏宇（Jason）有情慾戲演出！錢國偉為讓演員熟習演出環境，日前帶幾位女角到蘭桂坊出巡。

原本只係客串嘅許亦妮，憑「胸」湧上圍獲青睞，頂替DaDa做埋女主角。

錢國偉帶住雨僑、Whitney和夏尉喻到蘭桂坊出巡，行樓梯行到做騷咁。

女主角之一的雨僑全程黐實錢國偉密斟。

陳柏宇

原為《夜蒲3》女主角的陳靜（DaDa）本月9日在微博宣布因情緒病退出幕前，事隔幾日卻「蒲頭」為另一套電影補戲，因此辣㷫《夜蒲3》導演錢國偉刪掉她的角色並改劇本「重新洗牌」，經十日商議，終於落實由2011年港姐季軍及最上鏡小姐許亦妮取代女主角位置，與戲中另一女主角雨僑平分秋色。

Whitney在無綫《Amazing Summer》的廣告片中大晒35D巨咪，以及在劇集《老表，你好嘢！》中「Monica D.」一角表現出色，令錢導覺得她大有潛質，加上DaDa「逃拍」，造就原本客串的Whitney「升呢」為女主角。港姐出身又是無綫合約演員的她，形象受到保護，錢導亦願意配合，並承諾不會有裸露鏡頭：「我哋都好尊重無綫，目前仍商討中，今次Whitney只係有限度性感。（情慾戲？）情就有，慾就唔多，上一集連詩雅都冇裸露啦！對手係陳柏宇。（第一集佢有揸胸鏡頭！）今集佢哋嘅戲未度好，總之點到即止！」而Jason昨日稱未獲通知與Whitney有對手戲：「我原本同雨僑，你哋知多過我啦！只知聽日要開鏡拜神。」

錢國偉湊落老蘭

Whitney冷手執個熱煎堆擔正，心情興奮：「性感尺度係我個底線，導演應承以靚為主！（DaDa退出造就升呢？）唔好咁講，只係多咗啲戲，又改咗個故事，所以唔可以話取代佢嘅！我第一次拍戲，會畀心機演！」而無綫高層樂易玲昨受訪時落實Whitney演出：「因為冇咗DaDa，角色係有變動，許亦妮聽完都接受到咪畀佢試吓。（唔可以有情慾戲？）《夜蒲3》係2B級電影，我哋無綫對旗下藝員係較嚴謹，不過錢導都應承會作出適當平衡。」

錢導每次拍《夜蒲》都會視察環境，好讓演員融入環境，他上周日晚便率雨僑、Whitney和夏尉喻（寸嘴Barbie）等到蘭桂坊視察環境，熱褲上陣的雨僑「黐」住錢導密密傾，他們在蘭桂坊兜了幾圈，一班靚女落樓梯似足行Catwalk，途人都避到一旁喪（目及）。