拳王泰臣向「宇宙最強」甄子丹撩交打，曾食過「夜粥」學過西洋拳的Jessica C.（JC）、周秀娜（娜姐）和余曉彤（Hidy）都希望這場世紀大戰能成事！JC和娜姐偏好中國功夫，不約而同認為子丹比較好打，JC說：「我梗係捧子丹贏，話晒宇宙最強，我向來都係子丹Fans，如果真打當然想佢贏！我建議除咗設擂台之外，都希望佢哋可以合作電影，咁就過癮！」

娜姐認為泰臣技巧上未必比得上子丹。

JC是子丹的粉絲，當然希望偶像打贏！

而娜姐則說：「真係想睇吓邊個好打啲！我覺得子丹會贏，始終同佢合作過，有親切感，亦都要支持中國功夫，我覺得泰臣技巧上未必比得上子丹！」而娜姐師妹Hidy卻持相反意見，認為泰臣更強：「我認為泰臣會贏，夠大隻嘛，周身肌肉！」