劉嘉玲一手創立的餐飲王國由上海延伸至香港，源於早前她一次往西班牙度假而起。剛於上月，她再度前往西班牙，更在西班牙籍名廚帶路下，到當地菜市場親選食材和美酒，由枱布至一隻酒杯和刀叉，她都精挑細選，要求把百分百的西班牙風情帶到香港。

嘉玲到大廚Pedro的家中作客，品嘗地道西班牙美食，還入廚幫手。

嘉玲與Pedro走遍多個市場挑選優質食材！

早前嘉玲到西班牙旅行，到處遊覽。

早前嘉玲在上海經營餐飲生意，做得有聲有色，為她打下一支強心針，有意進一步把王國版圖擴充，進駐香港！剛巧早前她曾到西班牙度假，在西班牙San Sebastian當地一家餐廳用膳後，被餐廳美食吸引，她說：「嗰餐真係一吃難忘！味蕾都被感動，有朋友幫手穿針引線下，認識咗嗰度嘅大廚Mr. Pedro Samper，大家想法好接近，同佢有種一見如故嘅感覺，大家做埋好朋友！」在嘉玲誠意打動下，Pedro決定暫停家鄉的餐廳業務來港闖天下。

計晒卡路里食得健康

上月嘉玲再聯同Pedro到西班牙，此行他們走遍多個菜市場和海鮮市場，挑選優質食材，又到酒莊揀選餐酒及搜羅大批餐具杯碟，幾近將西班牙餐廳倒模來港。而好客的Pedro還邀請嘉玲到他在西班牙的家用膳，讓她品嘗了最地道的西班牙美食，她說：「我一向鍾意食，亦注重食得健康，所以幾間餐廳都會有食物連卡路里計算在內，期望同大家一齊分享，我對西班牙同日本飲食文化嘅喜好，仲可以畀到識飲識食嘅香港人多一個消閒聚腳點。」