藝人車車（張紫櫻）早前到泰國曼谷旅行，近日泰銖升值，到當地旅行令皮費變相增加。貴人出門的車車抵達曼谷後，果然日日落雨，泳衣未能派用場。車車去年八月才到泰國旅行，事隔約一年重臨舊地，專誠到訪夜市Asiatique，並坐上幸福摩天輪，她說：「去到見落雨，諗住坐唔到，點知後尾細雨，見冇乜人排隊，咪照坐。原來企喺摩天輪下面睇，覺得摩天輪轉得好快，但坐到上去，轉咗都有約莫五分鐘至落番地，排隊時間少咗，抵晒！」

車車不用排隊便坐上摩天輪，不失為一種「小確幸」。

車車欣賞曼谷食店充滿藝術味的座椅。

車車對泰國燒香蕉的評語是「唔識欣賞！」

車車與泰國商場擺設趣怪合照。

車車嘗過不用排隊的「小確幸（微小而確實的幸福）」後，又大飽眼福：「喺重建嘅SIAM Center，見到好多好有創意嘅商場布置，靚過香港好多，有啲食店就整咗好多好靚嘅櫈畀人坐，好有藝術Feel，大開眼界。」眼界與胃口大開的車車，懷疑在街邊吃了不潔食物，帶了腸胃炎回港留念，休息幾天才痊愈。