趙式芝與同性密友楊如芯（Sean）在海外結婚，惹來富商父親趙世曾不滿，更不惜出五億招婿，對Sean的身份始終未承認，但昨日為捧女兒場，趙世曾與Sean難得世紀同枱，雖然座位隔開，趙世曾亦只逗留一會，但與Sean關係明顯跨進一大步。

傅明憲（右二）為趙式芝與父母合照，一旁的Sean（右一）得個睇字。

趙世曾與Sean同枱，一個擰歪面、一個顧住講電話，坐中間的趙式芝諗緊咩呢？

趙式芝與「老婆」Sean分享得獎喜悅。

趙世曾獲女兒親親面頰，之後往打籃球時格外醒神，投籃技術不遜一眾後生仔。

富商趙世曾女兒趙式芝（Gigi）昨日獲頒時尚專業女性獎，得到摯親到場支持，Gigi「老婆」Sean難得與趙世曾同場兼同枱，起初由Gigi坐在二人中間，其後又找來Gigi好友傅明憲做「擋箭牌」，夾在Sean與趙世曾之間，而趙世曾前妻姚煒到場後則坐在女兒Gigi身旁。

Gigi表示Sean與父親趙世曾有打招呼，問到雙方關係是否好轉？她說：「差唔多。（安排咗飯局？）未有實質計劃！舊新聞嚟喇！（爸爸有冇抗拒？）OK，適應咗。（成日見？）香港咁細成日見到。」當問到會否影「全家福」時，Gigi笑說：「睇吓啦！」

仍想女兒結婚生仔

趙世曾逗留至Gigi領獎後便離開，他表示要趕往出席灣仔出席籃球賽。問到有否與Sean打招呼，他說：「冇Comment，講唔掂。」再問是否第一次與Sean同枱，他卻答非所問：「你問Gigi，冇乜意見。（放下成見？）冇成見，係Gigi私生活。（唔反對？）不嬲冇反對Gigi私生活，選擇係點，做父母干涉唔到。」

當提到女兒希望「一家四口」影相，趙世曾說：「哈哈！咩一家四口？講笑咋嘛！（完成佢心願？）個女仲有大把時間，將來點冇人知。（保留佢結婚生仔嘅可能？）我想佢結婚生仔，不過女大女世界！」