莊思敏擇偶要「乾淨」

藝人莊思敏昨日出席緋聞男友葉念琛新片《第一次不是你》的宣傳活動，兩人大方合照，但穿高踭鞋的她比對方高出大半個頭。莊思敏強調彼此只是朋友：「之前影到撐枱腳係因為我出席唔到首映，所以請佢食飯賠罪。」提到周秀娜舊愛陳偉成（Avis）最近桃花甚旺，她表示不知對方是否花弗：「唔係太熟，但祝福佢拍拖開心。（揀男友要緋聞少？）係呀！要夠乾淨，如果拍拍吓拖，突然有個女仔走出嚟話係佢女友都幾驚！」而同場的何浩文（Dominic）則力撐Avis單純，相信其感情生活不涉及第三者，並斥陳蕊蕊自爆曾與Avis拍拖是炒作及抽水行為。