緋聞多多的前香港先生高鈞賢前晚與前度女友於蘭桂坊重燃愛火！兩人全晚「二合一」黐到實胸壓及互磨，情到濃時高鈞賢更掃Pat、吹耳又激咀，旁若無人！不過，他昨晚受訪時指對方只是「關係好好的朋友」。

熊抱纏綿
高鈞賢從後熊抱Haruka，相當親密。

高鈞賢

拗腰索吻

忘情咀嘴

眾目睽睽之下，高鈞賢與Haruka繼續互電。

兩人黐實調情，蔡淇俊冇眼睇，嘴扁扁行開。

Matthew及Haruka手拖手，盡興而歸。

現年29歲、2005年香港先生冠軍高鈞賢（Matthew）一直緋聞不絕，除了曾與徐子珊及葉翠翠傳緋聞外，亦曾與28歲日本女星木南晴夏（Haruka）拍拖，而今年2月則與「粉絲變女友」的正印Grace分手。回復單身的Matthew不愁寂寞，前晚於蘭桂坊翻啅Haruka，久別重逢的兩人相當火辣，女方熱情索吻及胸壓互磨，Matthew亦回禮還擊！

Matthew前晚與蔡淇俊等友人到中環夜蒲，同行的Haruka身穿連身短裙，性感誘人。眾人玩至約凌晨二時，兩杯落肚後，Matthew與Haruka愈黐愈埋，於友人面前又攬又錫，未有着落的蔡淇俊即冇癮扁嘴，深感「眼冤」而速閃。兩人其後愈見忘我，男方從後熊抱，不時以雙臂輕托胸部，而女方亦不時拗腰仰頭索吻，兩人由蜻蜓點水變成車輪激咀，旁若無人！

拗腰索吻留印記

其後，Haruka轉身箍着Matthew，隔住連身短裙施胸壓黐到實，情緒高漲的Matthew趁機回禮，出手掃Pat及吹耳，令對方High得現「高潮眼」！Haruka又在Matthew頸上「打卡」，勁送「咖喱雞」，一對怨侶全程黐到實，嘴對嘴喪啜數分鐘！至凌晨約2時半，Matthew率領友人轉場，期間與Haruka刻意前後腳，當時外面正下雨，女方要以外套遮頭，甚為狼狽。其後，兩人玩至凌晨約4時才盡興而回，離開時更甜蜜拖手。Matthew送女方到附近酒店後便獨自乘的士離去。

記者昨晚致電Matthew，他說：「我哋冇拍拖，只係親密啲嘅朋友。其實我都好耐冇去玩，真係陪佢先去。（朋友都又攬又錫？）飲咗啲酒先會咁。（咁你哋係咩關係？）好好嘅朋友。」他說：「其實當年佢離開時好唔捨得，有諗過發展，但佢喺日本係藝人，如果留低就最好，但亦需要時間去考慮，可惜佢聽日就走。」而其緋聞舊愛葉翠翠則說：「我唔喺現場，唔知有幾親密。」並再三強調與Matthew只是好友。