白龍王逝世令不少圈中人惋惜，與他相識數十載的陳百祥（阿叻）昨日在電話中說：「佢之前好似已經感覺到啲乜咁，叮囑我今年唔好出席紅白二事，所以我應該唔會去佢嘅喪禮，我睇生死睇得好淡嘅。」並大讚對方是智者：「我有嘢諗唔通問佢，佢有90%答到我，我唔係導人迷信，但佢確實醫咗啲人，做人健康真係好緊要。」

阿叻與白龍王相識數十年，多次獲指點迷津。

至於余文樂則難忘白龍王教他做人道理：「佢叫我凡事唔好太急，要有耐性。當初係佢叫我專心拍電影，之前轉公司，佢亦畀咗唔少意見。」