星級教練陳志健加入TVB前是一名健身教練，他說：「入TVB之後覺得做藝人係應該好認真去做，不過原來係搵唔到錢，所以依家要重操故業兼職搵吓錢囉！」他更教過多名「星級」學生，包括李思捷、BOYZ、錢嘉樂、岑麗香、苟芸慧及翟威廉等，他大讚岑麗香刻苦：「佢拍《神槍狙擊》嗰期，做Push Up可以做到12下，對女仔嚟講好叻。」而他對關智斌（Kenny）亦有讚冇彈：「佢比我預期中大隻，我以為佢郁唔到，仲有思捷，佢又係好Tough，佢可以玩個幾兩個鐘都OK，而翟威廉肌肉本身質量好好，佢個身同背都好厚，又係好勤力，不過佢對手臂比例上比較弱，要主打練番對手。（苟芸慧好肥？）主要係佢冇時間、好忙，幾個月先嚟一次。」

入行前是健身教練的陳志健，現已榮升「星級教練」。

關智斌及岑麗香均獲陳志健大讚勤力刻苦。

關智斌

此外，他又提供健身貼士：「要一路健身一路微笑，因為要享受、放鬆，唔好皺眉，同埋唔好嗌Ush！」他又表示打泰拳配合做Gym最快可以一個星期減10至15磅，但問到是否不健康？他笑說：「做Artist已經唔健康啦！不過冇法，要Keep住，不過起碼運動有付出就一定有收穫。」