泳兒前日到唱片店為師弟組合BOX撐場，並互送唱片，她笑言與孖仔合作過後仍未懂得分辨二人：「之前喺北京拍過其中一個做嘢，不過尋日我都仲問緊邊個係哥哥，邊個細佬。不過兩個都好靚仔，我啲朋友話佢哋似吳尊！」大孖王子豪即說：「我笑嗰時有酒凹，同埋塊面圓啲！」

泳兒大力支持師弟，還收到他們送的唱片。

王子豪（左）和王子傑（右）一對孖仔太似樣，連師姐泳兒都分不清他們。

孖仔又稱要師姐帶他們去打邊爐，細孖王子傑更大爆兩兄弟非常為食：「經理人Mani見過我哋嘅食量之後話我哋係焚化爐！」大孖笑說：「我哋兩個以前肥仔嚟o架，試過成200磅，係練咗馬拉松之後先瘦番啲！」