20位候選港姐與藝人吳家樂昨日到銅鑼灣出席莎莎專門店活動，自參選後從沒傳出是非的(5)朱智賢寸爆是非佳麗：「是非畀人印象唔好，我寧願冇Noise好過有負面新聞。」而「大熱」(17)陳凱琳玩遊戲時突然大晒英文，不過還是輸掉比賽，她其後否認搶鏡，更自嘲口才差：「就嚟準決賽，都要練吓口才。（擔心問題尖銳？）冇得擔心，講真話已經係最好。（怕大熱倒灶？）大熱係其他人畀我，我唔會諗住呢樣嘢。」另一熱門(15)蔡思貝被問到參選以來都沒有突出表現，可會怕被Foul時，她說：「擔心係冇用嘅，做好自己就OK。」對於即將進入準決賽，她說：「有少少緊張就一定，之前出活動緊張到甩嘴，不過依家學識咗用平靜嘅心態去面對。」

朱智賢為求遠離是非，寧願冇人記得，絕！

成班佳麗爭住幫模特兒化妝，全程投入，盡顯女人愛美的天性。