曾被賭王何鴻燊大讚「靚到不得了」的四房女兒超欣，現已長得亭亭玉立，更被《好報》獨家拍得與一名年紀相若的小男生同遊銅鑼灣，昨日四太梁安琪與兒子猷君笑言她只是帶表弟行街街。

猷君已選定麻省理工經濟系，將來可協助打理父親生意，四太當然大感安慰。

難得放暑假可以盡情濕平，超欣興奮地試帽。

超欣忍不住叫表弟幫吓眼，可見二人感情要好。

超欣被《好報》獨家拍得與一名男生同遊銅鑼灣，記者昨日在中環遇到四太梁安琪和數學天才兒子猷君，二人友善地受訪。對於只有14歲的超欣身材高挑又省鏡，轉眼間已變成小美人，上周更在一名叫Andrew的男生陪同下到銅鑼灣買帽，四太笑言仍未看報道，而身為哥哥的猷君則說：「你哋講嗰個男仔？其實係我表弟。」

猷君讀麻省理工

四太在旁帶笑補充：「佢放緊暑假，出嚟行吓街。」現場所見，四太較前陣子清瘦，她解釋工作忙碌所致。

至於即將升讀大學的猷君，被問到在國際名牌大學任揀的情況下，最終選讀哪間學府？他表示已獲美國麻省理工大學取錄：「我會讀呢間嘅經濟系。（畢業之後幫Daddy媽咪手？）我OK呀！」兒子如此乖巧聰明，四太坦言感到安慰：「作為父母都開心，不過我會畀好大自由度佢，佢自己嘅工作，等佢決定。」