陳秀雯自2009年拍攝鄧特希監製的劇集《法網群英》後便未有演出，在偶然機會下，她與經理人Lydia傾復出，與舊拍檔歐陽震華（Bobby）同門：「個仔出嚟做嘢，唔使我理，我又好耐冇喺香港拍劇，都想同觀眾見面，不過先要減肥，壓力都大o架！」早前Bobby生日，她亦有到賀，Bobby搞笑地指二人與同場的宣萱可以組成「耆英娛樂有限公司」，Bobby說：「生日會見番佢好開心，估唔到做咗師兄妹，日後就多機會合作。（佢話減肥有壓力？）配我就肥、瘦都冇問題啦！」

此外，Bobby昨日到電台宣傳新劇，對於有傳拍檔關詠荷老公張家輝抑鬱復發，以致夫妻分床瞓，他說：「佢兩公婆感情不知幾好，抑咩鬱吖！老婆有劇上，老公有戲上當宣傳！」對於被指多次「剋死」劇中老婆，他笑說：「唔係吖！同我合作過嘅老婆都嫁得好好！」