何佩瑜（Jeana）與張栢芝弟弟柏文的兩年情正式玩完，《好報》昨日報道她已搬離愛巢，並執靚樣重過新生活！Jeana昨日親口承認分手：「呢個月真係分手，大家協議嘅，絕對唔係因為第三者，可以話因了解而分開，大家仲係朋友，唔係仇人。」暫不想再拍拖的她，決心寄情工作：「11月會開套功夫片，依家積極操弗，仲會跟李家鼎學功夫。我知道佢好惡，有晒心理準備係地獄式訓練！」

Jeana力撐好友DaDa只是選擇想行的路。

失戀的Jeana寄情狗仔，總算開心番。

遷離愛巢後，Jeana為新居物色日用品。

Jeana現時在奧運站附近獨居，與好姊妹DaDa為鄰：「啱啱搬出嚟好唔慣，新屋新床，隔籬又冇個人。」對於DaDa宣布退出，她力撐對方並非殺人放火，有權選擇自己覺得舒服的路，二人閒時相約一起游泳做運動，增加正能量。