爆余文樂想結婚 Kary重事業棄愛

Avis晒恩愛之際，昨晚同場鬥波的余文樂帶領球隊以91比70擊敗對手進身決賽。巧合的是，與他拍拖半年便玩完的舊愛吳雨霏（Kary）潛水多時，校啱昨晚於節目《東張西望》首次開腔談及分手事！Kary沒有交代分手原因，只表示兩人曾經深愛對方，亦盡力嘗試過，又爆阿樂主動帶她見家人及朋友，更撐他並非外間所指般愛鎅女：「其實佢好想結婚、想有自己家庭，鍾意人買菜煮飯、照顧人，但我就係事業型，鍾意不停工作。」似暗示自己先撇對方。