身為SMAP主將的木村拓哉曾紅遍亞洲各地，憑經典日劇《悠長假期》、《戀愛世紀》、《美麗人生》及《律政英雄》屢創收視神話，堪稱最具代表性的日劇天王。

貴為「萬人迷」的木村曾幾何時扮乜似乜，先後飾演過機師、檢察官、髮型師、車手、首相及冰上曲棍球手等，可惜隨住年紀漸大，年逾40歲的木村演繹談情場面愈益吃力，日本觀眾已睇厭他千篇一律的Chok爆演技，故他夥拍林志玲、篠原涼子的《月之戀人》慘敗收場。而去年主演的重頭劇《PRICELESS》同樣收視麻麻，雖然他一改以往形象挑戰扮窮人，但平均收視只得17.7%，有指女主角香里奈拒跟木村有親熱場面，更一度傳出扭計辭演，而一向有人服侍的木村亦「降呢」，在趕拍該劇時買咖啡討好劇組人員。