前大名娛樂女藝人邱美薇（Chelffy）最近回復自由身，不停接拍廣告及登台唱歌，又在無綫客串劇集及主持飲食節目，瓣數多多！日前她與張家輝拍廣告，直言被影帝電到硬晒軚：「佢眼神好凌厲，電力十足，所以拍嗰陣我哋雖然幾Close，但我唔敢望佢，覺得佢氣場好勁！其實我一直好欣賞家輝嘅演技，因為我屋企人都係警察，所以知佢入行前做過警務人員，全家人都好欣賞佢！希望有機會同佢拍戲，學吓演技！」

邱美薇與影帝張家輝合作拍廣告，大讚對方電力十足。

回復自由身的美薇，爭取不同的演出機會。