2012年香港小姐陳華鑫（Gloria）早前戰戰兢兢為動漫節擔任大使，首次被委以重任，獲益良多，她自謙甚麼都不懂，慶幸同場的張景淳及幕後工作人員提點她，她表示希望積極裝備自己，以應付未來工作需要：「我入行前做珠寶採購，我知呢行最好琴棋書畫樣樣精通。我有跟老師學唱歌，《星夢傳奇》都有搵我Casting，但撞咗期，有機會嘅，我會再試！我依家仲喺主持同拍劇之間摸索緊路向，雖然呢行工時比寫字樓長，其實份份工都辛苦，但相對寫字樓，做演藝工作，努力會有更多人睇到！好高興公司畀好多機會我，我有份參與《獎門人》，雖然我只係企後面，但睇到啲獎老點樣控制氣氛，都學到好多嘢！雖然我為人低調，但做事算有耐性，我希望喺呢行累積多啲經驗，做出成績畀觀眾睇！」

陳華鑫不斷爭取機會工作，希望累積多些經驗。