賈曉晨早前獲兩部內地劇集力邀演出，其中一部是她至愛的古裝劇，酬金較另一部為高，但最後她還是選擇酬金較少的一部，原因是該劇有「皇牌」樊少皇！她坦言難得跟男友合作拍劇，可謂寓工作於拍拖！

賈曉晨與樊少皇一起拍劇，可謂寓工作於拍拖！

賈曉晨一直不乏追求者，自從結識樊少皇後，狂蜂浪蝶漸減。

自今年約滿陳百祥旗下經理人公司後，賈曉晨（JJ）本來打算放一個悠長假期，陪伴男友樊少皇及休息一下，但因早前有兩部內地劇力邀，令JJ打消放長假的念頭，決定提早工作，她說：「之前同時間有兩套劇搵我，一套係同樊少皇合作，另一套係我最鍾意嘅古裝劇，仲要片酬比較高，但最後我決定揀同佢一齊拍劇，因為呢個機會好難得，而套劇雖然唔係古裝，但個角色都好特別，係演一個好硬淨嘅女人，我都好鍾意。」

JJ入行至今不乏追求者，就算她名花有主，追求者都會鍥而不捨地埋身，希望有機會奪得芳心。但自從去年她與樊少皇（力王）相戀後就冇人再敢埋JJ身，明顯怕了力王！

結婚與事業並存

JJ說：「真係好得意，之前我拍拖都會有人唔理繼續追我，但自從我同佢拍拖之後，真係少咗好多追求者，可能佢哋真係驚咗佢！（咁樊少皇係咪醋王嚟o架？）佢最想我乜嘢都唔好做，最好留喺屋企煮飯，咁就最安全，但我唔得，我覺得女性係需要工作，就算結婚都唔會退出，結婚生仔同事業可以並存，只要處理得好就可以。」