憑劇集《衝上雲霄Ⅱ》彈出的周志文，與弟弟周志康、劉威煌及多位圈外好友創辦香港首個密室闖關遊戲，更謝絕以人氣作招徠，他說：「希望大家係因為遊戲吸引，而唔係鍾意個Artist而嚟玩，想大家真正挑戰自己。」三子為求完美，不惜又擔又抬做苦力，連Design、場地監工及模型製作等都有份參與，周志康自爆曾通頂完成模型製作，但仍大呼Enjoy！而劉威煌則視之為屬於自己的遊戲，他說：「我哋希望做一個屬於自己嘅Game，無論音樂、場地設計、拍片等等，都係我哋全部人喺兩個月內努力成事。」

周志文、周志康和劉威煌收起明星銜頭，設計密室遊戲吸引大眾。

周志文（右）及周志康不忘寓工作於娛樂，邊玩邊做。