新進歌手葉寶安（Bon）體重達二百磅，原來其聲底與身形同樣夠晒分量，今年首派新歌，已在頒獎禮勇奪獎項。初嘗得獎滋味的Bon表示至今仍感興奮：「第一次出新歌就有獎，梗係超開心啦！呢個獎對我同公司都意義重大，絕對為歌唱事業打咗強心針，同埋個獎由謝安琪（Kay）同側田頒畀我，佢哋都係我非常欣賞嘅歌手，拎獎嗰刻企喺佢哋隔籬，心情零舍興奮。」他透露將與粉絲大擦一餐大舉慶祝：「因為我今個月23歲生日，到時應該會搞一個生日Party！」

第一次派歌已經有獎，難怪Bon興奮得啜獎座！

Bon（左起）領獎時有幸與Kay及側田等同台。