陳自瑤白滑星媽
已為人母的陳自瑤（YoYo）與24歲的許亦妮（Whitney）因拍劇而熟落，閒時一起分享美白心得，YoYo羨慕對方似「沖繩妹」，Whitney卻妒忌YoYo白淨。
Whitney（左）與YoYo同樣貪靚，難怪一拍即合。
YoYo在《師》劇中跟黃浩然有不少對手戲。
Whitney與楊明等演員在《師》劇中合作愉快。
雖然已為人母，但YoYo依然青春可人。
擁有一身健康膚色的Whitney超似沖繩妹。
藝人陳自瑤與許亦妮，前者外表柔弱，後者看似硬朗，性格大不同，但因為合作拍無綫劇《師父．明白了》，期間交流了不少美白及收身心得而變得熟落，或者無綫可考慮開拍《師父．美白了》給兩人擔正。
YoYo雖然已為人母，但肌膚白淨的她保養得宜，她卻謙稱很少護理：「其實我都好懶做Facial，就咁日常洗面，冇乜額外護理，我膚色有少少偏黃，我都想白！講到收身，我生之前得90幾磅，我自覺瘦到唔正常，後來生完進補先肥番。Whitney問我點樣收身，佢都夠瘦啦！我反而羨慕佢輪廓深，似沖繩妹就真！」
自嘲雙下巴
Whitney對於被讚似沖繩妹大嘆「好Sad」：「我入行嗰時都好多人話我膚色黑，都有人話我似濱崎步，但通常黑嘅想白，我已經好勤力晚晚美白，只係唔知點做，好Sad！好羨慕YoYo生埋BB都Keep得咁好，我開古裝劇就會肥，因為不停食嘢，肥到雙下巴咁滯，我都要開始保養，因為我係肥底，怕將來生完BB會仲差！」
