聲稱患情緒病而「閃退」的陳靜（DaDa）早前心情靚爆，偕同陳偉霆（William）宣傳新片。談到年初獲頒金像獎女配角，DaDa坦承得獎後壓力大增，透露有意轉型，又希望「封胸」做打女及飾演聾啞人士，更表示開始揀戲拍，突然盼望「着衫不用暴露」的她原來早有預兆！

William的脫衣騷令人印象深刻，DaDa對其演出讚不絕口。

DaDa與William受訪時仍有說有笑，完全看不出有退意。

日前宣布「閃退」遭圍插的DaDa自稱患情緒病需暫停工作，至今仍未現身宣傳電影《重口味》。她早前與片中拍檔William接受本報訪問，當時心情靚爆的DaDa跟William有講有笑，但提到年初勇奪金像獎「最佳女配角」，她即認真地說：「壓力係大咗，我本身唔係學戲出身，好幸運因為一個角色而有咁多機會，但之後要靠自己嘅努力同際遇先會長遠。」

除衫任人摸

DaDa於微博稱希望「着衫隨便但不用暴露。」問到得獎後是否更「錫身」？形象性感的她坦言恨轉型：「想發揮多啲，唔想被定型，依家揀戲都同公司商量。如果角色唔係太大發揮，可能會接咗其他戲種先，我想試唔同角色，想試吓拍打戲、演聾啞人士，我覺得咁樣可以學到好多嘢。」

William於《重》片其中一個單元「毒菇求愛」中飾演「宅男」，劇情講述他被朋友慫恿運毒菇，其後於夜場邂逅「女神」DaDa，繼而展開追求，期間不慎誤吞毒菇，由「宅男」變身型男，更High爆上台跳脫衣舞！DaDa大讚他表現專業，更指其「脫衣戲」令人印象深刻！William透露當時脫剩「孖煙囱」及冷帽：「當時有十幾個着晒比堅尼嘅女仔行埋嚟摸我，我突然好High咁除晒衫跳舞，其實佢哋都幾辛苦，因為佢哋摸我時已成身汗、好攰。我都要說服自己喺鏡頭前除晒衫、扭嚟扭去跳極度白癡嘅舞。」在拍攝前十分鐘狂操肌肉的他笑言觀眾有幸見識其腹肌。