候選港姐昨日在活動中互鬥口才，(10)林伊麗疑似爆粗，而大熱佳麗(17)陳凱琳繼續贏獎項，奪得「現場最受歡迎佳麗」獎，連師姐張名雅也看好她，后冠對陳凱琳來說似乎是「囊中物」!

(10)林伊麗（左）在口才環節疑似爆粗，而(13)歐陽巧瑩則繼續有負面新聞。

黃心穎（左起）、張名雅、朱千雪與岑杏賢在活動上擔任評判。

今屆大熱佳麗(17)陳凱琳在活動上顯露出無限自信。

二十位候選香港小姐昨日到鑽石山出席宣傳活動，進行辯論比賽考口才，(10)林伊麗在台上辯論時卻疑似爆粗，將「EQ高」變成粗口音！事後她說：「自己冇講粗口嘅意思，可能喺美國住咗一排，希望大家多啲提點我！朋友話我好似綿羊咁好脾氣，我唔講粗口，亦唔明白廣東話粗口嘅意思。」

歐陽巧瑩否認欠債

而今年的「是非佳麗」(13)歐陽巧瑩繼續有負面新聞，被指做傳銷時欠落一身債，她否認此事：「我冇做過傳銷，工作上冇借過錢，只係為咗屋企借過一次錢，好奇怪唔知點解會有咁嘅新聞，但係清者自清！」她坦言參選前已預了有負面新聞，又強調不會退選，問到會否擔心被負面新聞影響而提早出局，她說：「唔怕，自己有信心，呢啲亦唔到我擔心，相信評判眼光係雪亮！」

至於大熱佳麗(17)陳凱琳奪得「現場最受歡迎佳麗」獎，可惜坐着時卻露出黑色打底褲。提到幾乎橫掃大部分獎項，只是其中一次敗給(20)陳偉琪，她表示奪獎令她增加不少信心，但不會視陳偉琪為大敵，覺得做自己最開心。而擔任活動評判的前港姐張名雅則看好陳凱琳奪冠。