司馬燕前晚與老公及兩位兒子到圓方睇首映，最近到荷蘭補辦婚禮慶祝結婚17周年再轉往希臘歎世界的司馬燕，談到今次旅程十分難忘，全程食、玩、瞓，美中不足是擔心水溫太冷而未有落水及不可以曬太陽，她說：「依家仲未食得雪糕、奶類食品，嚟緊醫生話要轉另一隻化療藥，會開始另一個療程，不過冇乜問題，依家體重升到80磅左右，朋友都話我飽滿咗，自己都覺得精神咗。」其大仔吳澋滔前晚帶同一位女伴，但他揚言不是女朋友。

司馬燕與家人出席首映時精神奕奕，心情靚爆。

仙樂都自詡「天生我才必有用」。

另外，郭富城最新的一位緋聞女友、內地女星葉熙祺曾指城城送錶給仙樂都是垃圾新聞，仙樂都在首映上說：「我嘅角度個個人係平等，冇人係垃圾，天生我才必有用。（城城送錶畀你？）已經係好耐嘅事，耐到我都唔記得幾時。（郭富城追你？）佢份人好好，嗰陣我賣護膚品，有教佢點用，同埋幫佢做過一次Facial，大家係普通朋友，好耐冇聯絡。」