歌手周柏豪昨日上載一張自拍「破相」照到Instagram，即嚇親粉絲。見相中柏豪的左邊面頰近顴骨處腫了一大片，左耳亦通紅。原來他前晚通宵拍攝新歌MV拍到最後一個鏡頭時，不慎被地下的油彩跣低，慘變「撻生魚」的柏豪左面着地後一動也不動，數分鐘後才回復意識站起。

雖然只傷及面頰，但已嚇壞工作人員及剛到場探班的周媽媽，柏豪在眾人的要求下堅拒送院檢查，只敷冰了事，他說：「跌嗰下有少少暈，好彩唔係爆眼。」隨即要到外地工作的柏豪近日分別被指搭上籃球隊隊員的妹妹，以致跟余文樂反目，又指跟吳千語傳緋聞，可謂「麻煩」多多，但他一概否認：「冇發生過任何事，唔係事實唔回應，唔想畀人炒作！」