甄妮:唔係畀錢我就做
殿堂級歌手甄妮為幫大學學長圓夢，專程來港參與演出，化身小粉絲的她揚言要跟一班巨星合照留念，她又自嘲是「麻煩人」，對工作謹慎挑選，不易被金錢打動，但做人一言九鼎，一定兌現承諾！
甄妮為圓大學學長的夢，即使家中有白事，仍然為其演唱會擔任嘉賓。
潘美辰（左起）、Joanna Moon、林淑容及羅時豐齊齊為演唱會綵排。
甄妮最近專程來港，以特別嘉賓身份參與本月16及17日在紅館舉行的《世紀情歌世紀情巨星演唱會》，今年2月才在紅館做個人騷的她，日前接受訪問時表示不會再做大型演唱會，今次是為大學學長夏哥圓夢，她說：「佢好想喺香港搞演唱會，佢開到口，我梗係應承，雖然屋企有白事發生，但應承得朋友，就要一言九鼎，呢啲係專業精神。」
「現代人」難溝通
今次演出的歌手陣容鼎盛，包括歐陽菲菲、潘美辰、林淑容、萬芳、周治平、黃安、潘越雲及羅時豐，甄妮謙稱是小粉絲，大讚他們的經典金曲好聽：「有啲我唔識嘅，又未合作過，幾大都要影張合照留念！」而主辦商丘亞葵有意撮合她與歐陽菲菲合作，將兩人打造成女版「左麟右李」，她笑說：「我梗係冇問題，好願意！（有機會？）等吓！」
此外，甄妮承認推掉內地熱爆的歌唱比賽評判工作，因她覺得太多同類型節目，感覺太濫：「人人都去做評判，使乜搵我？（電視台畀好多錢？）唔係畀錢我就做，我揀嘢好謹慎！」更自認「幾麻煩」。她又表示時代不同了，以前個個都熟，但現時企側邊的人她未必識，對方又不會自我介紹：「點溝通呀？企喺度感覺唔好，個廠同啲人都冷冰冰，所以電視台叫我問清楚有咩人，可能咁啲人覺得我麻煩，其實我只係想安心啫！」
昨日潘美辰與Joanna Moon、林淑容及羅時豐齊在紅館後台綵排，萬芳因打風關係來港航班要延遲，美辰笑說：「我幫佢代唱！」更笑言每次演出都會有事發生，難道貴人出門招風雨？她搞笑地說：「我招屎嚟！」她更爆響口說：「今次演唱會會有神秘演出！」
