心情大靚的祖兒自爆已與男友慶祝生日。
容祖兒昨日接受電台訪問，與陳奕迅（Eason）分屬好友的她稱不想就對方在個唱受歌迷影響而發牢騷一事發表意見：「成日都有歌迷喺我唱歌時大叫，唔想講佢，我係專業嘅，我係講我自己，唔想同人比較。」祖兒承認曾在個唱上遭歌迷出手抓傷，即獲記者大讚有品沒有鬧歌迷，她說：「我唔知入行以嚟可以鬧歌迷！」
對於Eason承認有躁鬱症，祖兒說：「有病大晒咩？」隨即又說：「我又講咗佢？對唔住，我唔係特登，我未瞓醒，發開口夢。」年底將舉行演唱會的祖兒有信心破上次開12場的紀錄，而昨日是其男友劉浩龍生日，她說：「尋晚一班人食咗飯。」
