志偉「分身」倒模偉仔

曾志偉昨日現身山頂，為其蠟像舉行揭幕儀式。蠟像仿真度超高，志偉亦畀足99分：「之前用咗5個鐘、畀5個人圍住度身，幾日前再上嚟對色，一睇已經覺得超似。」他透露去年農曆新年賀歲檔與黃百鳴打對台，今年則攜手合作，問到可有重酬？他說：「重酬就梗，但未至於天價。（倒戈相向要同無綫解釋？）講咗啦！無綫驚安排周潤發『出戰』都贏唔夠，咪叫我過去『倒米』囉！」志偉於片中與鄭中基及吳君如等大演對手戲，黃百鳴更安排其戲服倒模《一代宗師》的梁朝偉，他說：「佢哋傳偉仔張相畀我，仲以為搞錯咗。我會同君如有場戲，模仿偉仔同章子怡對打，君如咪『官三』囉！」