Ivy（左）與Toby（右）指蕊蕊愛將感情事收收埋埋。
蕊蕊好友兼室友的女子組合MVG成員周曉彤（Ivy），昨日接受電話訪問時直言是透過蕊蕊認識陳偉成（Avis），並稱近日已甚少見到男方，她說：「之前我同佢哋兩個有一齊食飯Gathering（聚會），不過唔知點解，呢幾個月都冇再見到Avis出現，可能佢忙！」她又指不清楚二人感情事：「我唔知佢哋私底下有冇發展。（蕊蕊承認同Avis分手喎！）係咩？佢咁講咩？咁搞笑！蕊蕊將感情事收得好埋，所以我唔清楚，不過之前蕊蕊試過喺屋企喊得好勁，佢有透露過係因為感情事，但我唔知係因為邊個男仔！」
