《喜3》被迫停工 Da Da遭索償百萬

以患情緒病為由在上周四閃退的陳靜，原本為《喜愛夜蒲3》擔任女主角，《喜3》導演錢國偉表示，因DaDa突然失蹤被迫停戲三日，當中一場集過百演員跳舞的戲份亦要即時叫停，估計損失共一百萬港元，所以會向DaDa提出索償！據知DaDa在上周五缺席經理人施念慈安排的一個活動後，其經理人公司曾向DaDa發《喜3》電影通告，但DaDa以短訊回覆不接受任何工作通告，但翌日（上周六）卻又走去為彭浩翔新戲開工，到了晚上又致電經理人公司同事聲淚俱下認錯，自言是自己任性惹的禍，保證不會再犯，經理人施念慈本以為她迷途知返，豈料她昨日依舊缺席《重口味》宣傳活動，態度極度反覆，施念慈因而慶爆！

此外，有傳《喜3》本來由許亦妮擔任第二女主角，DaDa以對方是港姐夠級數所以沒有異議，但無綫以許亦妮戲份太過性感推卻，只讓她客串，第二女主角才臨時換上雨僑，令DaDa大為不滿，認為她未夠班，之後更得知對方戲份被自已為多，更為氣憤。

哭着認錯依然失蹤

施念慈昨日證實DaDa曾致電同事認錯：「佢係有打畀同事，不過係尋日（前日）嘅事，今日（昨日）我全公司同事又搵唔到佢，佢冇直接向我表示知錯，我唔知佢諗乜同搞乜，唔知佢知錯係咪得一日。」錢國偉因DaDa「閃退」而「被停工」，問到如DaDa道歉，可會保留其《喜3》女角？他語帶保留地說：「佢要親身出嚟交代件事，監製先再決定保唔保留佢嘅角色，因為損失嘅係電影公司、監製同經理人，我目前處理緊其他戲份，不過佢嘅戲份已經抽起咗。」

此外，錢國偉前晚到澳門出席雷頌德演唱會，問到DaDa「閃退」一事，他即黑面說：「佢唔係走咗，係消失！一份工做唔做都要交代。」許亦妮透過電話回應：「都係內部安排，我第一次拍電影，客串都開心，如果畀咁重戲嘅角色我演都會擔心觀眾反應。」