Angelababy不介意性感，即使是裸背也是小兒科。

藝人Angelababy（楊穎）前晚在活動上以「o靚模始祖」身份勸戒時下的o靚模要腳踏實地及充實自己，自言性感無極限的她更笑指陳法拉的裸背演出只屬小兒科，她亦裸得起！

Angelababy不介意性感，即使是裸背也是小兒科。

前晚Angelababy穿上紅色半透視連身裙現身活動，中門透出事業線，神秘中帶點性感。對於性感的打扮，Baby笑說：「OK啦！性感我唔介意，有時女人性感都幾靚！（有冇底線？）性感唔暴露。（高價請你行泳衣騷呢？）可能影吓相，唔行騷啦！（層次唔同咗？）唔會，只係留番畀啲高嘅模特兒。」對於陳法拉在電視劇《衝上雲霄II》的裸背演出成為近期佳話，問到會否作性感演出，她自信地說：「裸背小兒科，只要劇情需要，我裸背演出都OK！總之無論裸背同性感演出都好，可愛就得！」

提到時下o靚模以露「暈」等奇招搶鏡，身為「o靚模始祖」的Baby力勸她們要腳踏實地：「好好做自己嘅工作，雖然係曝光得快啲，但長久都要充實自己。（睇唔過眼？）又唔係，佢哋有存在價值，因為市場需要，長久嘅事業都需要學多啲嘢！」她表示當年拍寫真是以時裝角度出發，非常慶幸自己的寫真集是優質健康。Baby更透露已有半年沒有出席香港活動，大半年都在內地拍戲，很掛念香港，即使愛犬患病也只能叫媽媽送牠去醫院。

「Cool魔」冇戲被投訴

此外，前晚《衝上雲霄II》沒有「Cool魔」張智霖的戲份，結果通訊事務管理局昨日收到三宗投訴，而大批粉絲則在Facebook粉絲網頁留言，反應激烈。獲觀眾溺愛的Chilam昨日獲悉後也笑說：「話明係《衝上雲霄II》，唔係《Cool魔傳》喎！故事枝節咁多，冇我都唔太大問題啫！大家要有心理準備，因為嚟緊幾集都會冇我戲份，下次我會爭取多啲戲份o架喇！」