陳豪送大禮 獎勵陳茵媺

陳豪與陳茵媺無時無刻甜蜜滿瀉，陳豪前晚出席鑽飾活動時透露，不時有送珠寶首飾給太太，但認為心意才是最大價值。對於太太即將為他誕下愛情結晶品，陳豪笑言必定會送大禮：「佢生BB好辛苦，好多工夫要做，禮物唔少得，其實我平時都有做啲小禮物送畀佢，佢都有送畀我，我覺得送禮物最緊要係心思！」問到太太是否佗慈姑椗？他笑說：「未知，遲啲先。（香港定外國生？）未諗到，因為關乎國籍問題，同埋將來讀書問題，唔係一時三刻可以做決定！」