唔知余文樂對Kary的「JM樣」滿唔滿意？

吳雨霏和余文樂甩拖後一直深居簡出，昨日《好報》踢爆她原來秘密實行改頭換「面」大計，為了挽回自信竟向女神Janice Man（JM）「取經」，變成倒模JM！

唔知余文樂對Kary的「JM樣」滿唔滿意？

Janice Man直認與衞以德感情要好。

Janice Man直認與衞以德感情要好。

吳雨霏（Kary）與余文樂的「樂霏戀」僅維持半年即告玩完，受盡情傷的Kary分手後一度被指患上抑鬱，終日收埋自己。Kary得知被撇主因乃「唔夠靚」，故她痛定思痛，索性實行改頭換面大計，並將變臉目標鎖定黎明愛將、女神Janice Man！

昨日《好報》踢爆Kary再度發功施展變臉術，變成倒模JM。變臉後的Kary與初出道的樣子可謂面目全「霏」，原本的豬膽鼻、孖膶腸嘴消失得無影無蹤，而拉直的鼻及變薄的嘴和女神JM可謂撞到正，整個輪廓無疑是JM二世！成功尋回自信的Kary，日前於Instagram上載女神Look照片，並寫道：「終於似番個人。」似乎感到十分滿意。

月中以新形象回歸

Kary所屬的環球唱片昨日在電話中否認她抑鬱及變臉，而舊愛阿樂則透過經理人表示：「唔係事實唔會回應。」據知，Kary將於本月中出席活動，以新形象面對觀眾。另外，成為Kary「參考」對象的JM前晚出席活動，談到本報獨家拍得她和富二代衞以德拍拖吃拉麵，她直言兩人關係很好，又指對方十分疼錫及愛護她，但笑言還要觀察。