周秀娜寸爆DaDa欠專業，建議錢國偉將片頭片尾剪下來頂住先！

對於DaDa突然宣布退出幕前，其死敵周秀娜和Jessica C.（JC）不約而同寸DaDa有欠專業。娜姐說：「我覺得佢嘅決定，係想喺高峰期光榮退落嚟囉！其實聽到話佢退出幕前好突然，啱啱先有啲成績，咁就唔玩？唔係嘛？」對於有指連劇組人員也聯絡不上DaDa，她寸爆說：「真係有啲唔專業，如果真係搵佢唔到，我建議錢國偉可以將佢第一集嘅片頭片尾剪落嚟頂住先！」至於JC亦暗寸DaDa：「佢做呢個決定要三思囉！因為青春有限，佢又攞埋最佳女配角，應該要珍惜機會！我認為佢應該完成手頭上嘅工作先囉！」

周秀娜寸爆DaDa欠專業，建議錢國偉將片頭片尾剪下來頂住先！

未入行前已跟DaDa稔熟的Jeana（何佩瑜），原來一直有跟DaDa短訊聯絡，她說：「佢話會養好身體，叫我唔需要擔心！其實之前我都唔知佢有情緒問題，佢掩飾得好好！作為朋友都希望佢可以考慮清楚，行一條開心嘅路！」