「換仔天后」Taylor Swift戀情又有新發展！今次與她傳緋聞的幸運兒是視星Matthew Gray Gubler，有傳Taylor主動出擊，在Facebook約對方到寓所共進晚餐，冧仔招數一流！

盛傳視「男友如衣服」的鄉謠小天后Taylor Swift與電視劇《心理追兇》（Criminal Minds）男星Matthew Gray Gubler撻着！Taylor早於六月時已主動新增Matthew為Facebook好友，更向對方傳短訊要求見面，並大讚對方可愛！有爆料者指Matthew最初不敢相信對方真的是Taylor，但Taylor後來邀請他到寓所食飯，更搜集資料，下廚炮製他喜歡的菜式，結果兩人一撻即着，Taylor的冧仔招數果真是一絕！

未想公開戀情

兩人見面後一個月，Taylor又再出招邀請Matthew到她位於羅得島州的寓所，慶祝7月4日的美國國慶，兩人更齊齊上載臉上畫有美國國旗的照片，似乎緋聞所言非虛！有指Taylor對Matthew「嚟真」，所以暫時想將戀情保持低調，並表示彼此只是「普通朋友」，其實她是想進一步了解Matthew後才公開戀情。

此外，Taylor早前接受時裝雜誌訪問，她自言不會如其他人般盲目追逐潮流：「我鍾意追潮服，但係有時啲人會着到成個電單車手又或者潛水員咁，我唔會跟住着，我只會着啲適合生活嘅衣服，例如我今個秋季就會選擇着絲絨鞋。」