顏卓靈自爆拍攝廣告時，曾因「摩打口」累事。

影壇新人顏卓靈（Cherry）和蔡瀚億（BabyJohn）曾拍下不少廣告，提到拍攝趣事，Cherry笑言曾因「摩打口」累事。而BabyJohn則多次在廣告中演宅男，擔心被人誤解，更強調並非宅男！

顏卓靈自爆拍攝廣告時，曾因「摩打口」累事。

ontv主持廖嘉輝（左起）、顏卓靈和蔡瀚億，齊齊合照留念。

顏卓靈（左）和蔡瀚億接受《娛樂onShow》訪問，大談拍攝廣告的趣事。

顏卓靈和蔡瀚億日前接受ontv主持廖嘉輝（Look）邀請，為《娛樂onShow》擔任嘉賓！Cherry和BabyJohn曾拍了不少廣告，問到最難忘的廣告時，Cherry即笑說：「係第一次拍嘅廣告，當年我中三，長頭髮，肥嘟嘟。因為個廣告就係講考試防出貓，隔籬個男仔係咁偷睇我份卷，跟住我啲字愈寫愈細，最終我都拎咗支好幼嘅筆出嚟……」此時，Cherry竟自動波表演神速讀廣告對白，實在令人佩服！雖然Cherry記性甚佳，不過亦曾因「摩打口」累事：「廣告本身有多字要背，當時導演仲擔心廣告超時，點知因為我講得太快，令廣告太快完結！」

澄清並非宅男

BabyJohn雖然外表斯文，不過他卻經常被安排扮演騎呢角色，其中紙巾廣告更是他的代表作！在廣告中，BabyJohn要飾演一名宅男，並與紙巾共舞：「當時導演叫我同紙巾跳舞，叫我Jam啲嘢畀佢睇！」不過他似乎擔心別人以為他是宅男，即澄清：「我唔介意做反差大嘅角色，因為做演員就係要百變，不過我強調我唔係宅男！」

提到早前他們合演的電影《狂舞派》，兩人也大感興奮，因是首次在戲中擔正做男女主角！在戲中，BabyJohn藉教太極為名追求Cherry，問到現實中會否藉教做戲追女仔時，他頓時面紅說：「絕對冇呀！其實我係教小朋友做戲，所以絕對唔會用追女仔嘅角度去追學生！」