上圍Big爆的Barbie，當然不介意真空上陣益街坊！

擁有35C「胸」湧上圍的「寸嘴Barbie」夏尉喻（前名廖祉甯），早近有幸獲冊封為「錢女郎」，參演前無綫金牌監製錢國偉執導的新戲，Barbie揚言性感冇底線，期待真空上陣與對手肉搏連場！

上圍Big爆的Barbie，當然不介意真空上陣益街坊！

Barbie揚言為拍戲甘願豁出去！

Barbie在戲中演愛撩是鬥非的「八婆」，相信她不難拿捏！

擁有魔鬼身材的「寸嘴Barbie」夏尉喻，一向出名「口技」巴辣，語不驚人死不休！前無綫金牌監製錢國偉（Wilson）睇中Barbie的巴辣特質，邀請她在其執導的新戲《喜愛夜蒲3》中飾演一名撩是鬥非的「八婆」，Barbie笑說：「我喺戲入面會成日挑是挑非講人壞話，想搞到大家雞犬不寧。不過我要澄清，雖然現實生活中大家覺得我好寸嘴，但其實我只係表達能力比較差，而且我亦唔鍾意講人壞話o架！哈哈！」

拍戲唔會露點

Barbie的身材與口才一樣惹火，坦言將在新戲中與對手「肉搏」激戰，以35C「愛美神導彈」作武器：「今次難得可以為Wilson拍戲，我都豁出去，有咩要求都OK！（性感冇底線？）都係，就算要我真空上陣、半裸都冇所謂，不過電影尺度就唔會去到露點！」她又謂期待與對手肉搏：「劇本暫定我會同男對手有肉搏，都好期待！（邊個喺你對手？）暫時未可以透露住，因為劇本都仲會有修改，怕人選會變。不過無論邊個做我對手都好，我都會全力以赴！」