床戰馬明激過「黑絲」

在《衝上雲霄II》中，馬國明（馬明）飾演的機師Roy和江美儀飾演的空姐Heather同樣有感情問題，因而成為好友，後來因互有「需要」而變成性伴侶。馬明和美儀提及這段感情時都眉飛色舞，馬明說：「公司拍過好多姊弟戀，但好多都冇解釋，我哋想將劇情合理化！」美儀亦表示要先說服自己，才能投入拍攝：「即使床戲，都度吓點解會發生，發生之後大家個諗法係點。」因此，他們放大Roy的後生精力，以及Heather成熟女性的善解人意。

粉絲呷醋鬧爆

馬明一向是公認的筍盤，但對飾演這類角色仍大感興奮：「我演得好投入，現實我唔敢咁做，就喺戲裏面做！」他更指港男習慣被照顧，有時候須要由伴侶作決定，他認為姊弟戀非常適合時下男女：「依家嘅男仔，好大個都同屋企人住，畀人湊慣咗，所以佢哋需要女仔做決定，而某程度上男仔又滿足到個女仔嘅激情！」

馬明和美儀從戲裏「愛」到戲外，繼續以男女朋友相稱，不過美儀大呻壓力大：「我喺微博已經畀佢粉絲鬧啦！」加上她去年在《名媛望族》中的「黑絲誘惑」及情挑吳卓羲已深入民心，今次搭上馬明，她笑說：「我真係一年一劑！」