浪漫是雙魚女的特性，Jackie一直耐心等待Mr.Right與她共譜戀曲。

雙魚座女生性格浪漫體貼，一談戀愛便全程投入，偏偏身為雙魚女的江若琳師妹徐佳琦，嘗過初戀後便單身近六年，她正等待真命天子來臨，再談一場轟烈的戀愛！

浪漫是雙魚女的特性，Jackie一直耐心等待Mr.Right與她共譜戀曲。

江若琳

Jackie被指貌似徐子淇與林嘉欣。

林嘉欣

Jackie曾與羅鈞滿拍婚紗廣告，未知可會憧憬披嫁衣呢？

兩年前由上海來港發展的寰宇女藝人徐佳琦（Jackie）外形可愛，猶如林嘉欣及徐子淇混合體，想必異性緣不俗，但原來她只拍過一次拖，更已單身近六年，令人大跌眼鏡！雙魚座的Jackie自言浪漫體貼及崇尚唯美戀情，可是回想初戀，就因她太「黐身」以致不歡而散：「初戀男友係香港人，佢嚟上海做嘢，我當時仲讀緊書成日扭計，嫌相處時間唔夠，結果維繫唔到。」

如今的Jackie變得工作至上，將時間表排得滿滿，結果近六年沒拍拖。眼見女友人一個接一個成功「放盤」，令她羨慕不已。問到來港後可有霧水情緣？她說：「完全冇！其實係我冇畀機會自己，好少出去玩，唔使開工就打扮得好求其！最近多咗約朋友，但主要係女仔，我怕多人嘅聚會，可能耐冇拍拖，開始唔知點同男仔溝通。」

無聲勝有聲

少女Jackie仍憧憬戀愛，她說：「上天叫我等咁耐，一定係安排最好嘅！我依家每日保持最佳狀態，隨時Stand By！」但她笑言喜好跟其他女生不同，看來追求者要有心理準備：「朋友成日畀啲拍拖短訊我睇，我會覺得無聊，咁我又唔係冇情趣，我鍾意去旅行，會整蛋糕，只係無聲勝有聲啫！」