Shiga大呻有次在商場行樓梯時，曾被偷影裙底，令她怒不可遏。

周柏豪的細佬前晚在港鐵擒獲偷拍狂，幫兩位受害少女取回公道。但曾被連番摸Pat的官恩娜，與慘遭偷拍春光的連詩雅，蝕底後完全不知所措！

Shiga大呻有次在商場行樓梯時，曾被偷影裙底，令她怒不可遏。

周柏豪指細佬伸張正義嚴打偷拍狂，官恩娜（右）和連詩雅亦自揭曾遭鹹豬手抽水。

Ella憶起當年搭港鐵時被人摸Pat Pat，當堂嚇到腦袋一片空白。

昨日「華納一姐」官恩娜（Ella）、周柏豪及連詩雅（Shiga）綵排《新城 EPS i DO Love Music音樂會》，柏豪踢爆細佬前晚在港鐵裏大戰變態佬，在對方偷拍少女裙底時，一個箭步上前將「兇徒」拿下及報警，成功拯救了兩位少女。

柏豪又即場分享「擒狼」要訣：「大家要捉到佢影嗰下，咁就有證有據喇！」

提到非禮事件，Shiga自爆曾被色狼偷影裙底春光：「之前喺商場樓梯畀人影裙底，有個女士見到就大叫，嚇到個男人速逃。」雖然她當時有「打底」力保不失，但她已慶到爆！

而Ella大呻數年前在港鐵裏慘遭斯文男「進擊的抽水」：「當時畀人摸完Pat，擰轉頭見到個廿幾歲嘅男仔，但個樣一啲都唔猥瑣。當我衝出車廂時再畀人摸，發現又係佢！」Ella遭對方「食過翻尋味」而嚇到出唔到聲，勁後悔沒有即場報警。

柏豪被摸勻全身

問到柏豪可曾遭「鹹豬手」？他自言試過「蝕底」畀人：「我有次上台表演時，畀人摸勻全身，上下前後都有，但我都冇出聲，費事搞大件事。」