梁家輝（左）和鍾鎮濤（右）專誠捧場，張家輝握手感謝好兄弟。

影帝張家輝主演的電影《激戰》前晚舉行特別場，開場前家輝與好友吳君如、邱淑貞、曾志偉、梁家輝及鍾鎮濤等在附近飯聚，祝賀他在上海電影節稱帝。片尾家輝騷肌大戰安志杰，完場後全場拍掌約三分鐘，家輝興奮地說：「大家睇到我背後嘅毅力同恒心！（幾多票房？）見大家反應，都有威脅性o架！」至於最近跟家輝健身教練一星期操四日的吳君如表示，有興趣拍「女版激戰」，但提到另一型男「Cool魔」張智霖時，君如冷淡地說：「邊個係Cool魔？型同肌肉點比？」而邱淑貞被問到會否戲癮大發？她說：「唔會喇，最細個女得3歲。（再追多個？）唔會，好忙呀！」另外，散場時不見志偉影蹤，家輝笑說：「頭先有位老前輩喺途中發出鼻鼾聲，我覺得好失禮，所以叫佢走先。」

梁家輝（左）和鍾鎮濤（右）專誠捧場，張家輝握手感謝好兄弟。

罕有接受訪問的邱淑貞被大量咪牌「圍攻」。