榮升老闆娘的Chrissie（中）唔使露肉，只須印印腳睇索模行騷。

「宅男女神」周秀娜前晚以投資者身份出席內衣品牌活動，榮升老闆娘的她今時唔同往日，毋須露肉行騷，不過她仍落力谷盡4吋事業線撐自家品牌。

榮升老闆娘的Chrissie（中）唔使露肉，只須印印腳睇索模行騷。

雖然Chrissie拒做生招牌，但仍悉心打扮省靚招牌。

Chrissie（右二）大讚品牌銷量佳，自然嗒得杯落。

里奧費迪南

周秀娜（Chrissie）前晚以低胸裝性感出席有份投資的內衣品牌活動，她透露專程由北京趕返香港，可惜遇上大雨，以致航班延誤，她無奈地說：「本來可以早一日返到香港，我尋日真係好想有個男超人出現，又或者自己變成女超人食晒啲烏雲。」

Chrissie透露今次投資了七位數字，只屬小小投資者，她又大讚品牌銷量不俗，每年亦有增長。問到為何不親身上陣行內衣騷做生招牌？她說：「因為之前曬太陽，搞到膚色唔均勻。（依家『升呢』，地位同身價唔同咗？）我今日以投資者身份出席，唔係模特兒。」她又否認抗拒性感行騷，並自言拍戲依然冇底線。

叫費迪南「包」

另外，Chrissie的緋聞男友、球星里奧費迪南（Rio Ferdinand）早前訪港，Chrissie知道他一直對亞洲巿場有興趣，故介紹了她所屬的娛樂公司投資者給費迪南認識，並將會有新合作計劃。問到費迪南是否約她前往英國欣賞球賽？她說：「我想去，不過嗰陣我拍緊戲。最好包機包食宿同埋坐私人飛機，咁就唔會延遲。（佢係咪追你？）佢已經有老婆，唔會追我。」