糖妹以師姐身份扮熊啤啤助興，歡迎享樂團加盟。

黃山怡（糖妹）前晚出席由七位師弟組成的樂隊享樂團（3Think），加盟其公司維高文化的簽約儀式。糖妹刻意扮熊啤啤助興，並送上雞毛掃寓意要鞭策師弟。除了主音Don外形激似糖妹大隻舊愛何浩文（Dominic）外，低音結他手大隻Paul更在台上脫去外套表演「震波」，司儀即抵死將剛甩拖的糖妹擺上枱：「唔好畀糖妹見到，費事令佢心傷！」

糖妹以師姐身份扮熊啤啤助興，歡迎享樂團加盟。

七子更笑說：「第一次見糖妹時已畀佢『甜』到，我哋會爭住追佢！」他們亦爆料指結他手Addy最冧糖妹，並笑言得知糖妹情迷壯男後，要齊齊努力操肌肉。但問到糖妹可會在七子中揀新男友？她笑說：「唔會，千祈唔好喺公司亂搞緋聞。（主音Don定舊愛靚仔啲？）唔知呀！唔回應啦！」