伍姑娘攬實蔡一傑作狀錫錫。

「Cool魔」張智霖（Chilam）在《衝上雲霄II》中與多位女演員有親暱鏡頭，曾有指太太袁詠儀（靚靚）呷醋，但貴為影后的她當然不會介意。前晚Chilam與靚靚、伍詠薇及邱淑貞等出席無綫高層梁家樹生日飯局，齊齊收看《衝II》，事後Chilam笑言眾人對他與陳法拉的埋身親熱一幕反應熱烈，靚靚非常大方地說：「就係咁咋？」伍姑娘則笑說：「如果畀我做呢啲戲，簡直係手到拿來！」晚上11時45分，Chilam與靚靚結伴離開，靚靚High爆回頭向好友飛吻，伍姑娘搞笑地攬實蔡一傑作狀咀嘴！

伍姑娘攬實蔡一傑作狀錫錫。

靚靚和蔡一智邊行邊傾，雞啄唔斷。

吳卓羲力撐《衝II》刪裸露鏡頭並無不妥。

對於《衝II》中法拉的裸露鏡頭遭TVB大幅刪減，有份演出的吳卓羲（Ron）說：「我冇睇過呢場，或者係因為觀眾唔鍾意太多呢類鏡頭先剪走。」又稱此舉對監製或屬好事：「尊重民意係好事，好似有啲劇大結局都拍咗兩個唔同版本啦，都係希望觀眾鍾意。」此外，對於有指他因拍劇而捱傷肝，Ron說：「七年前中醫已經話我個肝脹大咗，依家都係一樣，要不斷睇中醫食中藥先得。」