法拉Chilam埋牙戲被Cut

張智霖（Chilam）與法拉之前出發往法國拍攝《衝上雲霄II》，事先張揚會有一場古堡酒窖內的火辣激情戲，這場激情戲前晚播出，不少粉絲都引頸以待，但最終發現被剪得支離破碎！只見法拉扭動身體兼坐大髀挑逗Chilam，再扯下絲巾蒙着Chilam雙眼，接着自行剝衫露玉背和纖腰向Chilam獻吻！未正式「埋牙」已遭硬Cut，難怪觀眾在互聯網留言鬧爆，投訴兩人感情發展太快，亦有人質疑法拉的露背戲根本是替身頂上。

昨日網民在網上尋得足本版，發現整體分別不大，但Chilam用手橫掃法拉玉背及法拉的大露背相當吸睛。Chilam前晚趁友人生日飯局，因利乘便相約伍詠薇（伍姑娘）等在酒樓欣賞這場戲，他昨透過電話回應：「剪咗好多，但合家歡時段係咁嘞，咁嘅安排，無綫誠意十足。（朋友覺得點？）佢哋睇開美劇，呢啲好小兒科，伍姑娘話好想返屋企同老公試吓喎！（好多人羨慕你喎！）你估真係咁益我？（法拉做足防走光措施？）當時我蒙住眼o架！乜嘢都唔知。」

身在外地的法拉對於「心血」被刪剪亦表示不介意：「我哋係根據劇本去拍嘅，刪剪問題交由導演同監製去處理，我尊重佢哋嘅決定，演員比較重視演出表現。」而《衝II》劇監製陳維冠則回應：「都冇諗過要攞呢場戲嚟做賣點，因為正值暑假，都好多小朋友會收看，雖然已經係家長指引，但為免影響小朋友，都要刪減一啲場口。」

被投訴意識不良

雖然這場戲引起激烈討論，卻未能為《衝II》劇再創收視高峰，前晚最高收視都是31點，落在法拉於鎖橋上放下前男友所送手鈪的一場戲。Chilam與法拉的「肉搏」，結果換來無綫方面接獲2宗投訴意識不良，通訊事務管理局則收到3宗投訴，包括刪剪內容令劇集不完整及內容意識不雅。

另一邊廂，Chilam認真艷福無邊，除在《衝II》與多位女角親熱外，月前與鍾欣桐（阿嬌）合作電影《白狐》，亦與露背上陣的女角相擁！阿嬌經理人霍汶希昨日在電話中說：「嗰個係阿嬌替身，但有關方面要發相，都應該通知我哋一聲有呢條宣傳橋至啱囉！」