阿樂錄影獎門人時成為被玩對象，被扯衫兼轉圈轉到嗌暈瞓地。

早前與吳雨霏分手的余文樂，錄影「獎門人」時難免成為被玩對象，出場時被曾志偉及眾「獎老」狂寸：「風吹雞蛋殼，財散余文樂，佢除咗成日買新車，仲係鞋王，成日買新波鞋。」志偉則笑說：「佢正職係溝女！」其後樂仔玩遊戲轉圈時大叫救命又嗌頭暈，行不到石春路要爬行，被眾獎老笑身體「虧」；到玩「真心話」時重提百厭事，樂仔笑言試過屙尿落街，又曾將白花油倒入同學的內褲。

阿樂錄影獎門人時成為被玩對象，被扯衫兼轉圈轉到嗌暈瞓地。

樂仔表示已六、七年沒有入TVB，事前已準備好被玩，問到無綫有否斟洽他拍劇？樂仔說：「冇，但我都有興趣，見到Chilam（張智霖）幾成功，不過要咁啱遇到好劇本，佢都拍得好辛苦，要犧牲幾個月時間。」